Kunanpi mushuk kamachiypika mamallakta llankayñan ruraykunaka aynikuk kana nin, mamallakta tukuy mañaymaskaypi llaktayuk rikurayay ushan, shinallatak tukuy kamaywasikuna, mamallaktapak kullkiwan llankakukkunapash llankashkata kati katilla rikuchina, wiñay llaktayukta aynichishpa. Mamallakta mañaykunata paktachinkapakka ayninakuy rurashka kachunhillaykunatami kuna, wiñachina, saywachina, ushachina.
AYNINAKUY LLIKA wallpariywanmi GAD pushaypika kay paktaykunata paktachinchik:
- Wiñariypak ima ashtawan mutsurishka kashkata rimanakuna;
- Wiñariypak llankayñanpak shinallatak llakta allpakamachiypak yuyay churaypi, ruraypi katichiypi, taripaypipash aynina;
- Aynikuk hatunkullkita rurana;
- Mamallakta kamachiypak pachapi aynina;
- Maykan munak llaktayukkunawan chaypacha yachaywakunata rimarina;
- Achikkay, llankashkata rikuchiy, llaktayuk rikurayak hillaykunawan llakta ushayta sinchiyachina;
- Ayninakuya, llaktayuk wankuriytapash katichina.
Ayninakuy llikaka akllashka kamachikkunawan tantarishka kanka (kiti pushakkuna, kitiyanapak, markakamachik, kitillikamachik, rimayta charik), kamaywasikunapak minkashkakuna (kamaywasimanta minkashkakuna, Pushaypak rurakatichiymanta, hampiy, yachay kuskakunamanta, shukkunapash) shinallatak llaktamanta minkashkakuna (llaktayuk tantanakuypi akllashkakuna).
Awkik pushakka Ayninakuy Llikapak tantanakuyman kayachinka nishka paytaykunata paktachinakapk, shinapash watapi mana kimsa kutinmanta uray kana kanchu.
ayninakuy llikapak mutsurishkami kan, aynikuk ruraykunaman sapan GAD pushay kayashka; lllaktallankayñan ruraypak tantanakuykuna; llaktayuk tantanakuykuna; aynikuk hatunkullki ruraykuna, llankashkata rikuchiy shinallatak shuk llaktayuk rikurayak layapak aynikuk ruraykuna; shinallatak llakta yuyaymanta tukuy aynikuk hillaykuna.