(CUS) Mawkakpak minkashkakunaka llaktayuk rikurayakta utkachik tantanakuykunami kan. Mawkakkuna shinallatak mitachikuna rimanakuyta yanapan.
Definiciones Conceptuales
¿ MAWKAKPAK MINKASHKAKUNAKA IMATAK KAN?
(CUS) Mawkakpak minkashkakunaka llaktayuk rikurayakta utkachik tantanakuykunami kan. Mawkakkuna shinallatak mitachikuna rimanakuyta yanapan.
Kashna runa tantarika munaymantami tantarishkami, mitachikuna yanapayta imashina kushkata rikurayankapak.
Llaktayukkunaka chaskishka mitachimanta huchachikunata chaskik ukumi kan.
PAKTAYKUNA
Llaktayukkunapi ushaykunata wiñachina, alli, allikay yanapay kushkakunata rikunkapak shinallatak kuskinkapak.
Mitachikunata sumakyachiypi yanapankapak CUS minkashkakunapak paktalla willayta charina.
Mamallaktapi tiksi willay llikata rurankapak yachachina shinallatak pakchi yanapayta kuna.
LLAKTAYUK TANTANAKUYWAN TINKICHINA
CUS minkashkakunaka llaktayuk rikurayak hillayshina shinallatak llaktayukpak hayñikunata paktachiyshina Llaktayuk Tantanakuyman shinallatak Ayninakuy Llikamanpash tinkirinami, llakta ruraykuna tinkiriyta wakaychishpa, shinallatak mamallakta pushak washa tantayta charinkami rikurayak ruraypak.
SAMIKUNA
llaktayuk kallari yuyaymanta: llaktayukka yuyayta rikuchin, Mawkakpak Tantanakuyta wiñachinata munachishpa.
Mitachipak kallari yuyay: yachaywa awllita katishpa.
LLANKANA
- Kamaywasikunapi mitachipak allikayta wiñay sumakyachiypi yanapana.
- Mamallakta llikakunaman wankurishka, katinakuy shinallatak rikurayaypash kuskata kuna, kayka huchachikunata allichina paktaywan.
- Ayninakuy shinallatak llaktayuk rikurayakta hayñikunata paktachina.
- Mañaymaskay ruraypi tukushkakunata llaktayukman willachina.
LLAKTAYUK TANTANAKUSHKAPAK SAMIKUNA
CUS minkashkakunaka Kuska Tantanakuyman nakashpaka shuk Llaktayuk Tantanakuy samiman wankurina kan, ayninakuy ruraykunaman tinkirita wakaychishpa, shinallatak rikurayak ruraypak hillayta charina.
WALLPARIY
CUS minkashkakunaka chikanruna shinallak kamachiyrunakunawan, llakta tantanakuypak minkashkakunawanmi wallparin, llaktayuk shinallatak ayninakuy hayñikuna ukupi kashpa.
TANTANAKUY
– CUS minkashkakunaka llakta 5 llakta minkashkawanmi wallparishka kanka
– Akllashka runakunamantaka shukmi awkik minkaytukushka sakirinka
– Uku wallpaka paktakana, karipash warmipash, minkaytukunakuy tiksiyuyaytami katinka, imashina mamakamachiypi, shuk kamachikunapipash nikta katishpa.
CUS MINKASHKA TUKUNKAPAK MAÑAYKUNA
– Hayñiyuk runa kana
– Tukuylla mitachipak mawkak kana
– Llakta tantanakuykuna kashpaka shuk tukrikillkata rikuchina kan, kaypimi minkashkami nishpa rikuchina.
– kikinyari pankata, kunanyachishka shitay pankata rikuchina.
– Willachiy ruraykunapi aynina: Hayñi, Ayninakuy, Mintalay.
MANA USHACHIK:
– Taripana mitachi kuk wasikunawan wankurishka kashpa.
– Sawarishka, pakta kawsakushpa, chusku niki patapi ayllukuna kashpa nakashpaka ishkay niki patapi kuyarinakuyta charishpa maypi CU minkashka llankana kakpi
– Wawakunamanta payllana chanita na rurashka kashpa
-Kapaktukushka tantanakuypi pushak kashpa shinallatak kayta willachik kashpapashnmaypi CU llankana kan.
– Ayllu ukupi llakichishka kakpi kamachik allichichun mañashkata mana paktachishka kakpi.