Llaktayuk Chaypikachun Rikurayak Tantanakuyka achiklla hillaykunata churan, mana alli rurayman harkata churanata yuyachin, shinallatak llaktayukpak ayninakuyta llakichikpi nakashpaka mana alli ruraykuna tiyakpika taripaykunata ruran. Llaktayukpak mañaykunata katichin.
CPCCS tantanakuyka taripayta rurakushpaka huchachikpak shutita mana pimanpash willanchu shinallatak payta kamanmi.
Ashtawankarin, CPCCS tantanakuyka huchachiykunapi kamachiypaktayshinami yaykun, chayka na alli ruraytalla mana makanakunchu, yapalla rurashkatapash makanakunmi.
ACHIKKAYPAK, MANA ALLI RURAYTA MAKANAKUYPAPASH KILLKAKAMAYUK
Achikkayta maskay shinallatak mana alli ruraykunaman harkata churay hayñikunata paktachishpa, CPCCS tantanakuypak Tantachik Kamachikka Achikkaypak, Mana Alli Rurayta Makanakuypapash Pakchi Killkakamayuk ukuta wiñachin.
¿Achikkaypak, Mana Alli Rurayta Makanakuypapash Killkakamayuk ukuka imatak ruran?
- Mana alli ruraymanta nakashpaka llaktayuk ayninakuy hayñikunata llakichishka kakpi huchachiykunata chaskishpa taripan.
- Llaktayukkunapak mañaykunata chaskishpa katichin, kaykunata shuk kamaywasikunapi(tukuypak kashka kullkita nakashpaka tukuyman yanapayta kuk chikarunapi, kamachiykunapipash) mana yanapashka kakpi.
Achikkaypak, Mana Alli Rurayta Makanakuypapash Killkakamayuk ukupika imashina huchachiyta, mañaytapash rikuchinata riksichin, shinallatak maykan kamaywasiman rinata willachinpashmi kikinpak huchachiyta katichichun.
CPCCS tantanakuyka llaktayukkunapak huchachiykunata taripanmi, shinallatak tukuylla mitachi shinallatak tukuyllaman yanapay kuk chikanruna nakashpaka kamachiyruna kashpapash imapash mana alli rurakpi llaktayukkunapak mañayta katichin.
Achikkaypak, Mana Alli Rurayta Makanakuypapash Pakchi Killkakamayuk ukuka shinami wallparishka:
- Chaskiy, Kamachiy Rikuchiypash: llakayukunaman huchachina ñankunata rikuchin shinallatak huchachiykunata mañaykunatapash kuskin.
- Achikkay: achikkayta rikuchinkapak, wiñachinkapak, sinchiyachinkapapash mutsurishka ruraykunata paktachikmi
- Taripay: llaktayukpak ayninakuy hayñita llakichishka kakpi nakashpaka tukuyllapak munayta mana paktachikpi huchachiykunata taripan.
- Yanapay: Tantanakuyman apashka huchachiykunata yaykuchishka kakpika CPCCS tantanakuyka kamachiypaktayshinami yaykun.
